الوالده الله يحفظها من شهر يمكن دايما تقول لي شوفي كل يمعه على قناة الديره الدكتور مبارك الاشقر وخاااطري اشوفه لاني احب الخلطات الطبيعيه والمفده
بس المشكله انها ماطالعه عندي على الدش
المهم
جربت الوالده خلطه التبيض للبشره الشاحبه
والله يابنات من ثالث مره بينت النتيجه وماصدقت انه هاي وجه الوالده الله يحفظها
ماشاء الله بياض والبقع البنيه راااحت
فعلا نتيجه ممتازه
قلت اقول لكم لانه بعض البنات يسالون اذا حد جربها
وان شاء الله خلال هاليومين راح اجربها
الخلطه موجوده في كل البيت وهو يقول العلاج من المطبخ
مايحتاج تدهبي لدكاتره الجلد وتحطين مواد كيماويه على بشرتك الطبيعه احسن
وقال انه هده الخلطه اللي بشرتهم حساسه راح يطلع لهم بقع يقوووووول عااادي لاتخافون كملوا (والله اعلم )
هاي كلام الوالده
والحمدلله الوالده ماطلع لها اي شئ ومن ثالث استخدام بينت النتيجه وااااااضحه ماااشاء الله
الخلطه :
ربع حبه بطاطس
ربع حبه برتقال مع قشورها
نص حبه تفاح
نص حبه جزر
ملعقه كبيره زيت زيتون
ملعقتين كبار سميد
3 ملاعق كبار نشا
3 بياض بيضه
ملعقه ماء ورد للريحه
نضع الخضر والفواكه في اناء به ماء على النار حتى يغلى لمدة ربع ساعه وبعدها ينحط في الخلاط من دون ماء
ويستخدم لمده 15يوم (نضعها بالثلاجة بعد الاستعمال )
يوم ايه ويوم لا
ونضعه على الوجه لمده نص ساعه ونغسل الوجه بالماء البارد قليلا
والوالده استعملتها والخلطه ريحتها حلوه وكانها كريمة